
大寶伏藏TD1783ཡེ་ཤེས་རབ་འབར་ལས༔ ལྷ་འདྲེ་སྤྱི་འདུལ་སྲུང་བའི་འཁོར་ལོ། སྲུང་བའི་ལས་སྣ་ཚོགས། སྤྱི་སྲུང་།
44-55-1a
༄༅། །ཡེ་ཤེས་རབ་འབར་ལས༔ ལྷ་འདྲེ་སྤྱི་འདུལ་སྲུང་བའི་འཁོར་ལོ། སྲུང་བའི་ལས་སྣ་ཚོགས། སྤྱི་སྲུང་།
༁ྃ༔ ཡེ་ཤེས་རབ་འབར་ལས༔ ལྷ་འདྲེ་སྤྱི་འདུལ་སྲུང་བའི་འཁོར་ལོ་ནི༔ ཧེ་རུ་ཀ་ལ་ཕྱག་འཚལ་ལོ༔ དུས་ཀྱི་སྙིགས་མར་གྱུར་པ་ན༔ ལྷ་འདྲེ་མ་རུངས་ཀུན་འཁྲུགས་ཅིང་༔ འཚེ་འགྱུར་བྱེ་བྲག་མི་ཕྱེད་པར༔ སྤྱི་འདུལ་སྲུང་བའི་འཁོར་ལོ་བསྟན༔ དར་རམ་ཤིང་ཤུན་ཡང་ན་ཤོག་གུ་ལ༔ མུ་ཁྱུད་ལྔ་པའི་དབུ་མར་བཅུ་གཉིས་རྩིབས༔ ལྟེ་བར་སྐུ་གསུང་ཐུགས་སྙིང་ཧྲཱིཿསྭཱ་ཧཱ༔ མུ་ཁྱུད་གཉིས་ལ་ཞི་དྲག་འདོད་གསོལ་སྤེལ༔ བཅུ་གཉིས་རྩིབས་ལ་འཕྲུལ་ཡིག་བཅུ་གཉིས་ནི༔ རེ་རེའི་ཕྱི་རིམ་རིགས་གསུམ་མགོན་པོ་དང་༔ ཕྱི་རིམ་ཡེ་དྷར་དབྱངས་གསལ་འདོད་སྤེལ་བཅས༔ ཐ་མ་ལྕགས་སྡིག་གཟུགས་ཀྱིས་འཁོར་བར་འབྲི༔ མུ་ཁྱུད་བཟང་དྲུག་སྨན་དང་བདུད་རྩི་བྱུག༔ འཕྲུལ་ཡིག་གུ་གུལ་སྨན་ཆེན་མུ་ཟི་དང་༔ སྤྲུ་བ་གླ་རྩི་ཆུ་དག་ཡུང་བ་དང་༔ ཨ་རུ་མཁན་དམར་སྒོག་གཅིག་ཤིང་ཀུན་དང་༔ གཟུག་མོ་བྱི་ཐུར་ཕག་མཆུ་སྒྲོ་མདོངས་བྱུག༔ རབ་གནས་རྩ་བའི་བསྙེན་པས་ངར་བླུད་དེ༔ གང་ལ་དགོས་པ་དེ་བཞིན་གང་འདུལ་གྱིས༔ རྗེས་འཇུག་ནུས་ལ་བྱིན་ཏེ་ལོངས་སྤྱོད་གྱིས༔ གང་ཡང་སེམས་བསྐྱེད་སྨོན་ལམ་མཆོག་ཏུ་གཅེས༔ ས་མ་ཡཱ༔ རྒྱ་རྒྱ་
44-55-1b
རྒྱ༔ དྲག་པོ་སྲོག་བདག་གིས་སྲུངས་ཤིག༔ ས་མ་ཡཱ༔ གཏེར་རྒྱ༔ སྦས་རྒྱ༔ ཟབ་རྒྱ༔ གསང་རྒྱ༔ རྒྱ་རྒྱ་རྒྱ༔ ཞེས་གནམ་ཆེན་བྲག་དཀར་ནས་བྱུང་བ་སྟེ། ཁོལ་རི་གསང་སྔགས་སྒྲུབ་ཁང་རྩེར་ཀློང་གསལ་སྙིང་པོས་བཤུས་སོ།། །།




